2023 წელს, როდესაც პირველად დავარღვიეთ ტაბუ და დავიწყეთ კლუბური კადრების საჯარო გამოქვეყნება, ამან მნიშვნელოვანი დაინტერესება გამოიწვია როგორც საქართველოში, ასევე მის ფარგლებს გარეთ. რამაც თავის მხრივ განაპირობა ათასობით ადამიანის, მათ შორის ტურისტებისა და ინვესტორების, ჩამოსვლა, ასევე ახალი სივრცეების გახსნა და სცენის განვითარებისთვის კიდევ უფრო მეტი ხელშეწყობა.

დეკემბერში, როდესაც კომერციული ტრენდების გავლენით ანდერგრაუნდ ვენიუები დაცარიელებას განიცდიდნენ, Techno Georgia-ს ვიდეოების ფართო გავრცელებამ მნიშვნელოვნად შეუწყო ხელი მსმენელის დაბრუნებას საყვარელ სივრცეებში. ამან პოზიტიური ასპექტში გაზარდა ინტერესი ქართული სცენის მიმართ. ასევე, ხელი შეუწყო მრავალი არტისტის ჩვენი ქვეყნის სახელით გასტროლებზე გაგზავნას.

ჩვენი რეგიონის ერთ-ერთი ყველაზე მნიშვნელოვანი პრობლემა ყოველთვის იყო ინფორმაციის ნაკლებობა, რაც გავლენას ახდენდა როგორც მუსიკალური ჟანრების ვაკუუმზე, ასევე გარკვეული ჯგუფების მიერ ელექტრონული მუსიკისადმი აგრესიულ დამოკიდებულებაზე. დღეს, ეს ადამიანები, ჩვენი ვიდეოების ყურების შემდეგ, თავად გახდნენ კლუბის წევრები და აგრძელებენ უსაფრთხოდ ინტეგრაციას Rave საზოგადოებაში.